Blaogin' ikalamako » 8 martsa manitra mimosa ho an’ny Andriambavilanitra.

Mar

ikalamako (2010)

ATI-TSITRAKA HO AN’NY VEHIVAVY

Ny vehivavy ve? – Moa tsy bikabika
Sady sarisarin’ny tany onenantsika?

FA NY VEHIVAVY ROAPOLO TAONA
No tanin’i Afrika tsy mbola notrandrahana,
Misaly zava-miafina, mpikaro-pahafahana.

NY TELOPOLO TAONA
No India –rentirenty manintona ho hanitra
Mirado rojovola, miravaka andriamanitra.

NY EFAPOLO TAONA
No Eoropa mihetsiketsika anaty fandrosoana
Sy ny helatrelatry ny fiaina-manoloana.

NY DIMAMPOLO TAONA
Dia hipoka sy zina – tahaka an’i Amerika –
Tahiry saro-bidy ara-teknika.

NY ENIMPOLO TAONA
No velatr’i Rosia takarina hidirana,
Mpanavotra sahirana, kanefa manahirana.

NY FITOPOLO TAONA
No Nosy mipariaka nomena fanambinana
Anti-mitanisa amboaram-bolan-tsinana.

NY VALOPOLO TAONA
No Tendron-tany roa tsy takatra polorina,
Vaingan-dranomandry sarotra antomorina.

Clarisse RATSIFANDRIHAMANANA

In: Amalgame | Permalink

tritriva Says:

Tiako be ilay tononkalo sy ny mimoza 🙂
Izaho moa dia NY DIMAMPOLO TAONA
Mbola tsara ihany kah !
Misaotra akia fa mahafinaritra, bisous.
Martsa 10th, 2010 at 3:22 pm
ikalamako Says:

tsisy fisaorana fa miara-mijery ny sarintanintsika eto isika roa e, sady mifanarakaraka ao ihany kah, tsy ho ela dia ho lasa Amerika koa ! hihihi
Martsa 10th, 2010 at 11:40 pm

You must be logged in to post a comment.

Article – Lahatsoratra