Blaogin' ikalamako
Raha mbola misy blaogy azonao atoraka hamoahana feeling…nahoana no tsy izany no handanianao ny alin'ny ririnina !
Oct
04
Misaotra foana.
ikalamako (2012)

Misokatra ny maso
Mijery ny efitrano
Dia misaotra ny Avo
Nomeny tombon’andro.

Miketrika tsy miera
Ny adidy maha-reny
Misaotra ombieny ombieny
Fa mbola feno hery.

Manjeny sy miria
Miaraka amin’ireo tiana
Misaotra fa afa-diana
Amin’ny tombom-pifaliana.

Raha zary mivembena
Tojo zava-mahonena
Misaotra am-panetre-tena
Fa mana-namana harena.

Kibo sendra vatsy
Heta ampo-drano
Misaotra tsy an-kiato
Fa mbola velon’afo.

Ondana isainana
Amin’ny ali-maizina
Ampitso indray andraina
Fa mbola ho velon’aina.

 

 

21/8/12



One Response to “Misaotra foana.”

  1. Fahamarinana Maharitra Says:

    Aza mba taraiky ihany fa izao vao mamaky sy mankafy ! hi hi
    Faha

    Martsa 25th, 2013 at 8:37 am

Leave a Reply

You must be logged in to post a comment.