Blaogin' ikalamako
Raha mbola misy blaogy azonao atoraka hamoahana feeling…nahoana no tsy izany no handanianao ny alin'ny ririnina !
Apr
13
Misy andro
ikalamako (2013)

Misy andro,
valalanina ny saina,
zary reraka
toa, intsony, satry tsy hiaina.
Misy andro,
hafaliana tsy hay lanjaina,
no iny ody
nampilefy ilay konaina.

Misy andro,
toa ity rotika ny zahatra,
ny tena hana,
tsy hita aiza no hamahatra.
Misy andro,
tena hery tsy omby tratra
no manainga
fo sy saina mba hitraka.

Misy andro,
zary mampalaina ilay mitia,
izay atao
toa, indrisy, mankarary tiana.
Misy andro,
ilay fitia dia mamy erý,
safononoky
ny tamby tsy hay laniana.

Isan’andro,
izay mitranga ihafio na ifalio,
fa ireny
no manefy io maha-ianao io.

 

13/04/2013



One Response to “Misy andro”

  1. Fahamarinana Maharitra Says:

    Tokoa ve ? Mampandefa saina lalina izany Ramatoa an 🙂

    Mey 19th, 2013 at 8:45 pm

Leave a Reply

You must be logged in to post a comment.