Feb
10
ikalamako (2014)
Izy
Ilay endri-boasokitra am-paran’ny saiko,
Tambin’ny avo sy iva.
Ainga misoko manenika ny aiko,
Am-pitaninako afo hariva.
Izy
Ilay Fitarikandro mitsinjo ao anatin’ny zavo.
Ilay onja mandrendrika zahatra.
Rongony mitondra ahy misidina avo,
Hanofy ho avy toa lafatra.
Izy
Ilay andrin’ny aritro ela tanaty fahanginana
Ka mahasaky mandidy,
Manesy hanadino ny lasa hibanjinana
Ny aina ho fetran-tsafidy.
Izy
Ilay soritra tsiky sy trahon-dranomaso
Anovozana ireo nofy mamy.
An-tsaha feno soa na am-balan’ankaso
Dia indraiko làlana hatrany.
8 fevrier 2014,
[nadika avy tamin’ny hira “Tous les visages de l’amour/She/Lei/Sie/Ella” an’i CharlesAznavour]
sary nalaina tao amin’ny “Ma boite à dessin”