Ireo ora maro nampindraminao,
rehefa izarako ny tsiky sy ny hehiko,
Ny tsororo-dranomaso fanankiko aminao,
ilay izaho mitanondriky ny fahareseko,
Ny fiantsorohanao ny lanja sendra mihoatra,
tsy zakan’ny lamosiko nananika havoana,
Ireo bozaka natafonao ‘lay tao-trano keliko,
tsy efan’ilay tànako niempaky ny taona,
Ny vary an-tsotronao nafahanao ny vavako
sendra ngidingidy tsy nahatelin-kanina,
Ny anjara ranonao niarahana nisasaka,
raha foana teo ny zingako tan-tany karankaina,
Ilay sandrin-tànanao natolotrao ho tehiko,
raha kolepaka ny tongotro hiampita ny tetezana,
Ilay ahibanonao nasatrokao ny lohako
dotran’ny hain’andro fa lavitra fialofana,
Ianao nikaoka loha, nitady toro-hevitra
nasetrinao ny olana tsy nahitako tory,
Taminao koa ny teny nampilefitra
raha niakatra tambavy sy zary torotoro,
Ny ripadripak’hehy nampisary zaza
tamy tsikombakomba nanavotr’hadalana,
Ireto sy iretsy, isaorako anao
tsy nanisy kajy raha nanaiky ho namana.
28/12/2015
Soa re izy izany e.
Septambra 16th, 2016 at 4:35 pmmelsiii Jo sélie-ko
Oktobra 1st, 2016 at 11:26 am