Apr
07
ikalamako (2017)
Fa nahoana anie ilay taniko niangaran-janahary,
Notefeny mba ho nosy tsy hitamban-tsisintany,
Nofenoiny vatosoa, nataony valan-javaboahary,
No, indrisy, toa tantely afa-drakotra izy any !
Mba ahoana hoy ny razana notendren-janahary,
Ho mpiandry sy mpikolo ireo soa sesehena,
Ka nomeny fahendrena sy finiavana hihary,
Raha mahita ireo taranaka tototra fitiavan-tena ?
ikalamako
6 aprily 2017.